عرفت ان فى ماتش للزمالك مع الافريقى التونسى وبصفتى زمالكوية وبحب اللون الابيض اتمنيت ان الزمالك يغلب اكيد لكن مكنتش متفائله اوى المهم تابعت الماتش واستعجبت جدا من الصواريخ الى بتعمل نار دى دخلت الملعب ازاى وليه الجمهور بيستخدمها اصلا ما علينا قلنا نركز فى اللعب احسن الاقى برده من الجمهور بيعمل ليزر على الجون بتاع تونس عشان يشتتوه ودى مش ظريفه يعنى بس عادى برده كبرت دماغى من دى كمان الاقى بيعملو صواريخ فى السما بتعمل نور كدا واشكال حلوة اووى ههههههههههه بصراحه ضحكت يعنى احنا كنا غلبنا عشان يعملو كدا ؟ المهم وصلنا لاخر الماتش تقريبا الحكم حسب 6 دقايق وقت بدل ضايع يا سلام ده ماتش بحاله لازم يجيبو جون باه وبالفعل من ضربة حرة مباشرة لعبها شيكابالا لاعبى المفضل دخلت فى الجون بس للاسف كان فى اوفسايد وبالتالى الجون متحسبش قلت خلاص احنا برا برا مفيش مشكلة تمام وخير وتونس اخواتنا وعادى بعدها باه عينك ما تشوف الا النور
لقيت الكاميرا جت على ناس عجيبة نزلت الملعب طب مين دول بيعملو ايه دول ولاعيبة الزمالك بيحمو لاعيبة تونس من مين طيب هوه ايه ده ايه الى حصل فى الماتش ده ليه كدا الناس دى كلها نزلت الملعب لييييييييييييييه وازاااااااااااااااااى وفجاة الملعب باه مليان بنى ادمين والشبكه بتاعت المرمى اتكسرت وناس ماسكه عصيان ليه مشفاهمه موقف وحش اوى وغير مقبول بجد اى كان الى عمل كدا مين بينتمى للزمالك ولا لا
احنا اسفين يا تونس على حصل بجد ورئيس الوزراء قال ان الموضوع هيتحقق فيه فورا عشان نعرف مين عمل كدا ؟
اسفين يا تونس انتو الهمتونا فى ثورتنا اسفين يا تونس .....
ودلوقتى بعد ما شفتو الصور اقدر اسال السؤال
مين اول واحد نزل ارض الملعب ؟
1.. الراجل ابو جلابية
2..الولد ابو بانتاكور
3..لعيب تونس المطرود
No comments:
Post a Comment